القلم , سلاح ذو حدين

كل ما يفرزه القلم من معانى وكلمات هى فى الحقيقه اسلحه موجهه ربما تصيب الهدف او تقضى عليه .. تغير شخص تماما للافضل او تسحبه لعالم النسيان والاكتئاب " وسكة اللى يروح ميرجعش"

فما المقال والقصه والشعر والمسرحيه ..... الخ . الا اقلام تنساب بحريه وسلاسه على الورقه البيضاء الناصعه لتنتج فى النهايه هذه الالوان من الكتابه ..

هل قرأت يوما مقاله او قصه او حتى حكمه او مثل واثرت فيك تأثيرا واضحا ؟؟
هل قرأت يوما كتابا او مجله او موضوع معين وزهدته او تركته لكثرة الملل او الافراط فى التفاهه ؟؟
ما الفرق بين هذا وذاك اليسوا سواء .. فالموضوع او الكتاب او المقال عباره عن كلمات خطت بالقلم على سطح الورقه !! ..
ولكن شتان بينهم

لماذا نهتم بالتفاهات اكثر من غيرها ؟؟ لماذا هى الشئ الاساسى والرئيسى بينما نضع المهم والمفيد فى رف الاحتياطى ؟؟ لماذا لا نكتب الا الصاح للقراءه والمفيد والمؤثر ؟؟

فما هى اراءكم بصدد هذه القضيه .. ارجو التفاعل ومعرفة اراء الجميع

اعتقد ان الاهتمام بالتفاهات نابع من تدني مستوى الفكر والمعرفة يعني
بنلاقي شباب معاهم مؤهل عاي بيتكلم في صغار الامور وحقائرها وميعرفش حاجة عن الاشياء الكبيرة
لو سالنا واحد عن معنى كلمة راسمالية او شيوعية او غيرها من الكلمات المهمة جدا في حياتنا مش هيرد
فتكون النتيجة انه مش هيهتم بيها لو اتكتبت
ويكون رد فعل الكتاب انهم يكتبوا للطبقة دي ويهتموا بتفاهتهم

سلام عليكم

خلوني اقول ان احيانا بيكون اسلوب الكتاب في المواضيع الثقافية بيكون صعب علبي الشباب انها تقرأه و تفهمه , عشان كده بيلجأوا انهم يدوروا علي اسلوب اسهل شوية الي حد ما و طبعا معظم الاساليب دي بتكون متمثلة في التفاهات اللي بتتكلمي عليها .

اما بالنسبة للحل مثلا , فممكن ان الشباب يحاولوا بقدر المستطاع الارتقاء بالشيء اللي بيقرأوه step by step لان مش هقول انهم واخدين علي قراءة التفاهات فلازم مرة واحدة يقرأوا في اسلوب عالي في مستوي فكره و لكن لازم يتدرجوا في الموضوع ده .

midosnan كتب:

اعتقد ان الاهتمام بالتفاهات نابع من تدني مستوى الفكر والمعرفة يعني
بنلاقي شباب معاهم مؤهل عاي بيتكلم في صغار الامور وحقائرها وميعرفش حاجة عن الاشياء الكبيرة
لو سالنا واحد عن معنى كلمة راسمالية او شيوعية او غيرها من الكلمات المهمة جدا في حياتنا مش هيرد
فتكون النتيجة انه مش هيهتم بيها لو اتكتبت
ويكون رد فعل الكتاب انهم يكتبوا للطبقة دي ويهتموا بتفاهتهم

طبعا تدنى مستوى الفكر والمعرفه مش بالضروره متعلق بالمؤهل بالعكس احيانا كتير بنلاقى ناس معاهم مؤهل عالى بل احيانا كليات قمه ومع ذلك اندهش من مستوى تفكيرهم المنخفض جدا ومن " محدودية التفكير " ...

كمان الشاب مش هيعرف معنى كلمة راسماليه او شيوعيه لانها مااصبحتش بالاهميه اللى بتقول عليها وشئ طبيعى انهم يهتموا بالحاجات التافهه التانيه.. لان ثقافة المجتمع اللى عايشين فيه اصلا كده كل حاجه حواليهم كده ... يعنى عكس كلامك هوه اللى حاصل مش علشان الشباب بيتكلم فى احقر الامور فالكاتب انحدر لمستواهم ... لا ده لان كل حاجه اصبحت تفقد قيمتها واصبح كل ما يحيط به استهتار وفراغ ووسائل رخيصه للكسب السريع فاصبح الشاب على ما هو عليه لا يستخلص من الامور سوى اتفهها وذلك لكثرتها حوله واحاطتها به احاطه فيها احكام ودراسه