إياك تعملها ...!!!

موضوع: إياك تعملها ...!!! الجمعة مايو 25, 2007 8:43 pm

فتح مُخك انت و هِيه
هاحكيلكوا حِكايه .. مهيش هِيه
لا تُقُولِّلي سِكِينَة ولا رَيَّه ..
وفي كُل يوم باشوفها بِعنيه
وياريتنا نِِعمِلها قَضِيه
بصوا بقى 00
طرطقولي ودانكوا شويه 00

********
وأنا حِاطِط الشاي عالنَّار
أَب وأُم جايين الدَّار
شُفت في عِينهُم نَظرَه مَرَار
ودُمُوعهُم نِزلِت أنّهار
وولادهُم كََتَبُوا الإقرَار
بِزِيَارَة ولُقمَة وغِيار !!
أنا مِن غِيظِي ودَمِي أَنا فار
هاسألُكُم أنا بَس سُؤال
إيه يجرَى لو كانوا أبرار ؟؟
بقا بالِذِمَّه ماهواش عَار
بقى بالذمة.. مِش أبقَى حمار !!
لما يكون ربنا مِدِّيني
وفلوسي معايا تِكَِفِّينِي
حتى ولو مِش هَتقَضينِي
والله أنا ابيع عُمرِي وسنيني
وأَدفعهُم للي رَبُونِي
وقَطَعُوا من قُوتهُم وإِدُونِي
يا أبويا .. يا أمي ما تَاخدُوني
في أحضانكم يــلا وخَبُونِي
دَا وُجُودكُم والله مِقَوينِي
على دُنيا هَتضَيع دِيني
وزَمَان غَاوي يِإذِينِي
مِن غَدرُه و بَقُول آه يَاني
ادعيلي يا أبويا.. ادعيلي ياأمي ..
دَعَاويكُوا وَالله مِحَاوطَانِي
بِتهَوِن فِي عِنيِّا زَمَانِي
لو ضَاقِت أنا بِيّا الدُنيا
أنا عَارِف مِن بَدرِي مَكَانِي
لا تقولِّي لا كَانِي ولا مَانِي
لا تقُولِّي مِرَاتِي وخِلِّاني
دا أبويا وأمي يا جِدعَان
من غِيرهُم ولا لِيِّا مَكَان
و هأقولك واسمعني ثواني
دَا أنا أبُوس الرَّاس والعِين
وأشِيلهُم بين الرِِمشّين
دا اللي مالوش خِير في الوالدين
زي الكُرسِي مَالوش رِجلِين

**********
الكلام دا ليَّا قبل ما يكون ليكوا ...
كام مرة زعلنا ... ولا خلينا أكلم عن نفسي
كم مرة زعلت أبويا ؟؟ baaad

ولا كام مرة ضايقت أمي ؟؟ حتى ولو من غير قصد!! baaad

بجد أبونا وأمنا محتاجينلنا سواء كُنَّا كِبَار أو صِغَار ..
والكلام دا لأبي وأمي بقولهم ..وعايزاهم يسمعوني
سامحوني لوضايقتكوا ..أنا بَرضُوا بِنتُكُوا
دا أنا والله بحبكوا
ربي يطوللي في عمركم
قولوا آمييييييين
ياااااااااارب

********
مع تحياتي
نجلاء ..

السلام عليكم

جزاكي الله خيرا يا نجلاء
كلامك من القلب و اعتقد انه وصل للقلوب
و فعلا يا ريت نراجع نفسنا و نحسن علاقتنا بالوالدين من تاني عشان تعم الخير و البركه علي بيوتنا