انفلونزا الطيور
لما المرض القاتل لف وجه في دجاحنا
البشوات اتلّموا وقالوا هنعمل لجــــــــنه
قامت اللجنه في اول لجنه مكونه لجـــنه
قامت اللجنه التانيه بدورها مكونه لجـنه
وجت اللجنه التالته وطبعا عملت لجـــنه
بقت اللجــــنه تكون لحنه تكون لجنه....
لما زهقنا ووجعوا دماغنا و قلقوا مزاجنا
المسأله مش عايزة لــــــجان
ولا شعوذه ولا سحر و جان
اسمع مني أنا عندي بيــــــان
يا اللي قلقلت وعقلك طـــــار
سوّي الفرخه تمام عـ النـــــار
يبقى مافيش منّها أخــــــــطار
ماهي فوزيه جارتنا بتــــــــاكل ...........بط و وز و ما بتعــــــــــــياش
و بتشتري في اليوم ديك رومي ...........وقفصين بط وبيض ببـــــلاش
و ابنها فلفل أكل الفـــــــــــرخه........... بريشها وكانت نيَّـــة وعـــاش
و سألتها يا مـــــــــــدام فــوزيه........... ليه مش خايفه من الفـــيروس
قالت أصل الفيروس يا ابـــــني........... لو جه عندي يموت مفــروس
ياما زمان كان نفسي في فـرخه.......... بس ما كــانش مــعاى فــلوس
أنا دلـــــــــــوقتي بجيبها وبآخد........... قفصين بط مـــــــعاها هـــديه
أصل أنا عنـــدي مـناعه رباني........... ولا مكتسبه ولا طبيـــــــــعيه
مش معقول الفـــيروس يا ابني........... هيسب بوش ويصيب فــوزيه!
أما مدام عنايات اترعـــــــــبت........... دبحتهم ولا سابت حاجــــــــه
والتلاجه ملـتها بحالــــــــــــها............ قامت شاريه كمــــان تــلاجه
قالت بعد العــــــــــــمر دا كله............ آخرتها تموتــــــــني دجـاجه
احنا وسط لا نطــــنش خالص............ ولا في الخوف والهم نبـــات
لمّا تقابل حاله مريـــــــــــضه............ بلغ عنها بكل ثبـــــــــــــــات
فرخه سليمه ادبحهاوكلـــــــها ............اوعى تصدق في الاشاعــات
أي قناه فضائيه تـــــــــــقولك............. فيه ييجي مليون واحد مــات
اوعى تصدق إلا دمـــــــاغك............. الموضوع محتاج حسـابــات
احنا بايدنا نعدي الازمــــــــه............. وبمجهودنا بـــــدون معونات
علشان امّا نكون رجــــــــاله............. مصر تعدي من الأزمـــــات