مواقف من الحياة

السلام عليكم و رحمة الله و بركاته


ان شاء الله الموضوع ده هيبقي مخصص ان كل شخص يحكيلنا اي موقف من حياته سببله تغيير او كان موقف غريب او موقف نقله مرحله تانية او او او او ......... الخ .

أكيد ده فكركو بلعبة البلالين مش كده .

يعني لو حد عايز يتكلم و يحكيلنا مواقف دايما يفتكرها و بيحب دايما يحكيها و طبعا احنا ممكن نتعلم من المواقف دي كمثل لينا حصل فعلا و في باب فضفضة تقدر تتكلم براحتك محدش هيقولك كفاية بطل كلام .

في انتظار تفاعلكم في الموضوع و رأيكم فيه و طبعا في انتظار اول موقف من اول مشارك .

سلام عليكم انا عندى موقف وحش اوى حصلى من واحده صحبتى كنت بحبها اوى لاكن هى خنتنى

على فكرا انا كتبتلك سئالى وانتظر الرد

بصراحة الباب دة من الابواب المهمة جدا لانه بيحسس الانسان براحة وبيحسسه انه هناك لسه في بشر بيحبو وان الدنيا ما خلصتش
ميرسي جدا يا Admin على الموضوع دة

يا جماعه متقلقوش
الدنيا لسه برده بخير
جزاك الله خيرا و ان شاء الله نسمع منك مواقف قريبا
بالمناسبه ......
هو سؤالك كان ايه في لعبة البلالين ؟

سؤالي كان بيني
مش فاكر
ثواني كدة ان شاء الله هاجيبة
ثواني
تفكير عميق
جاية اه
تقريبا كان اسم حيوان تحبه
لا دة كان التاني
الاول تقريبا كان موقف
مش فاكر
لو فاكرين انتوا قولوا

انا في موقف هاحكية علمني ان لازم يكون عندك خطة بديلة
الموقف كالتالي
انا كنت قائد ( مسؤل ) لجنة العلاقات العامة والاعلام في مهرجان الجامعة
المهم يوم الافتتاح (المهرجان دة 10 ايام ) المفروض في طابور عرض وطابور اعلام والسلام الوطني ورفع الاعلام وكدة
والحضور رئيس الجامعة ونوابه المليون وعمداء كليات واساتذة جامعة وناس كتيرة بالاضافة الى الضيوف
المسؤل عن دة كله كان انا
المهم كنا مرتبين مع فرقة موسيقى عسكرية تيجي عشان تعزف السلام الوطني وعشان طابور العرض يمشى عليها وعلم مصر يترفع عليها
كان المفروض الكلام دة الساعة 9 الصبح
9 وماحدش جية لا الفرقة ولا رئيس الجامعة نستنى شوية مافيش فايدة 10 جية رئيس الجامعة
طب نعمل اية نعمل اية كان في كمبيوتر وعليه السلام الوطني قعدت ادور على موبايل انقل عليه الكلام دة لحاد مالقيت اوصله بالكمبيوتر الاقيه فصل شحن يادي الحظ هات يا بني اي حاجة لقينا mp5 خدنا وحطينا عليه السلام الوطني وجريت جري على المايك وشغلته هناك اترفع العلم نبدا الحفل هات الراجل بتاع القران يقرا الراجل مش موجود دة كان هنا حالا راح فين ( اتزنق وراح الحمام ) يا نهار مش فايت الحق يا بني هاتلي اي حد يقرا جابولي واحد وقالوا كويس اقرا يا بني الاخ يقرا زي ما نكون في ميتم بالظبط ويعيد ويزيد في الاية وكاد ان يقول بعد ما خلص الفاتحة
بعد القران في عندنا مراسم في الجوالة ماينفعش ان حد ينفذها غير وهو لابس الزي الكشفي جيه اكبر راس في القاعدين (رئيس الجامعة ) كان قايل انا مش هاعملها حرصا على التقاليد عشان انا مش هالبس كشفي
كان واحد تاني كبير قوي من الكبار بتوع الكشافة القدام قوي واتفقنا معاه قبل المهرجان باسبوع انه يجي كشفي يوم الافتتاح عشان يعمل المراسم دي جيه يومها انا اسف انا نسيت البس كشفي جينا مضرين يا رئيس الجامعة ماينفعش لازم انت اللي تنفذ المراسم دي انت كبير القاعدة وضحكنا عليه بكلمتين وباظت التقاليد وانتهى الحفل
بعد الحفل كتبت في النوتة بتاعتي بالخط العريض



عشان تعمل حاجة ناجحة لازم يكونلك بدل الخطة 2 كل خطة جاهزة للتنفيذ بتكة زرار تنفذها
دة درس اتعلمته ياريت كل اللي يقرا رسالتي يستفيد منها

كلامك مظبوط جدا, و ان بالرغم من انك حاطط كل حاجة في الخطة الاصلية و مظبط كل حاجة و حسيت ان خلاص كله هيبقي تمام, و لكن متضمنش الظروف و ايه اللي ممكن يحصل.

الحمد لله ان ربنا الهمكو تتصرفو بالسرعة دي و بالعقلية دي و ان شاء الله من نجاح الي نجاح دائما و ابدا.

في البداية ميرسي يا ادمن على مرورك الكريم وربنا يستجيب لدعائك لي ولك